Tirana është ndalur në këtë 100 vjetor për të bërë llogaritë e trofeve në 20 vitet e kaluara dhe trofetë e fituar në shekullin e 21-të. Bardheblutë kujtojnë se janë në listën e 30 klubeve më të titulluara të shekullit që po jetojmë, teksa në listë gjenden klube si Bayern Munich apo Barcelona.
Bardheblutë mbajnë vendin e 29 nga 30 klube të listuara, duke fituar 21 trofe (6 kampionate, 6 kupa të Shqipërisë dhe 9 Superkupa). Lista kryesohet nga El-Ahli në Egjipt me 41 trofe, ndërsa ndiqet nga Bayern me 40 të tillë.
Shkrimi i Tiranës:
KF Tirana ndër klubet më të titulluara të shekullit të 21-të.
Ky vit jubile dhe titulli i 25-ë kampion i fituar këtë sezon e ka futur Tiranën në listën e 30 klubeve më të titullara të shekullit të 21-të.
Në renditjen e përcaktuar nga "transfermarkt", bardheblutë numërojnë gjatë këtyre 20 viteve 21 trofe të fituar (6 kampionate 6 kupa dhe 9 Superkupa) dhe renditen në vendin e 29-ë të klubeve më të suksesshme të mijëvjeçarit të tretë.
Kampionët e Shqipërisë janë në kuotë të barabartë kupash me ekipin tajlandez Buriram Junajtid.
Lista kryesohet nga El-Ahli i Egjiptit me 41 trofe, ndërsa kampionët e rinj të Europës Bajerni renditet i dyti me 40 të tilla. Në vendin e tretë vjen Linkoln Reds (po me kaq numër trofesh sa bavarezët). Barcelona dhe Real Madrid renditen përkatësisht në vendin e katërt dhe të 11-të.
Lexo gjithashtu
