Christian Mba po shkëlqen te Partizani duke qenë një nga më të mirët në çdo ndeshje në radhët e të kuqve. Megjithatë sulmuesi i kuq duket se nuk mjafton për kryeqytetasit për objektivat që ata kanë. Afrikani është mjaft i lëvizshëm, krijon volum, por finalizimi është një nga mangësitë e tij.
Në këto kushte, drejtuesit janë vënë në lëvizje për të gjetur një sulmues “rrace” siç ishte Xhuliano Skuka. Nevoja për të pasur “pykë” në majën e sulmit ka bërë që të hidhen sytë nga tregu i huaj, pasi ky shqiptar nuk ofron shumë.
Ende nuk ka një emër konkret në skenë. Edhe pse fazë ofensive e të kuqve është e fryrë shumë, cilësitë finalizuese të Mba-së kanë bërë që të lindë nevoja për një tjetër futbollist. Pritet të shihet se çdo të ndodhë, ndërsa Partizani vijon rrugëtimin në Kupat e Europës teksa do të përballet me Valmeiran në turin e tretë të Conference League.
Lexo gjithashtu
