Kërkesa e Kukësit për spostimin e ndeshjes me arsyen se skuadrën e ka kapur një virozë ka bërë lëmsh Superioren. Ndeshja ishte planifikuar për ditën e nesërme në orën 15:00 në Niko Dovana dhe sipas kërkesës së Kukësit, ndeshja do të shtyhej për të hënën në të njëjtën orë. Edhe kalendari i kampionatit pësoi ndryshim pas këtij lajmi por sëfundmi, klubi i Erzenit ka dalë në një komunikatë për shtyp ku hedh poshtë gjithçka.
“Të nderuar tifozë të K.F. ERZENI ! Duke marrë shkas nga disa deklarata/ postime që kanë qarkulluar në median e shkruar dhe në rrjetet sociale, që ndeshja e planifikuar për javën e 8 të kampionatit Abissnet Superiore 2022/2023 nuk do të zhvillohet sipas kalendarit të përcaktuar.
Ju bëjmë me dije që ndeshja do të zhvillohet sipas kalendarit zyrtar të përcaktuar nga FEDERATA SHQIPTARE E FUTBOLLIT.
Ditën e shtunë datë 15.10.2022 ora 15:00 Ju presim të gjithëve në Stadiumin “Niko Dovana” në mbështetje të ekipit tonë të zemrës. FORCA ERZENI.”
Lexo gjithashtu
