Ka luajtur në Shqipëri dhe e njeh mirë kampionatin shqiptar.
Ka kontribuar fort për të arritur titullin kampion me Partizanin, por s'ia ka
dalë. Ylber Ramadani, mesfushori i Kombëtares ka folur në një intervistë për newsport.al.
Karriera e tij në Danimarkë duket se është në "shinat" e duhura e këtë e thotë
edhe vetë ai.
Shpesh është përfolur për ftesën e marrë për të qenë pjesë e Kombëtares. Për këtë
s'preferon të flasë gjatë dhe thekson se gjithçka do e tregojë fusha e blertë.
Në fund ndalet te "shtëpia" e tij, siç e thotë ai, te Partizani.
- Sezoni i tretë në
Danimarkë. Si po shkon karriera juaj në aspektin personal?
Po, është e vërtetë. Po luaj sezonin tim të tretë në Danimarkë dhe jamë
shumë i kënaqur. Jemi në vend të parë dhe gjithçka po shkon për mrekulli.
- Pjesë e Kombëtares,
ndër më të përfolur te kuqezinjtë. A beson se do të ftohesh sërish nga trajneri
Edi Reja?
Po punoj çdo ditë e më shumë dhe dua të arrij sa më lart, sigurisht duke
punuar. Siç e thashë, po stërvitem intensivisht që të jem në formë të mirë. Sa
i përket Kombëtares, gjithçka mbetet në dorë të trajnerit Edi Reja.
- E keni ndjekur
kampionatin shqiptar?
Po normal. E ndjek çdo javë.
- Po Partizanin?
Sigurisht, Partizani është shtëpia ime.
- Çfarë mendon se nuk shkon në klubin kampion?
Nuk di të them. Unë e shoh vetëm në fushë dhe çështjet personale mbeten pjesë të
klubit. Kjo punë i takon drejtuesve.
- Sipas jush kush do
të ishte trajneri ideal për të kuqtë?
Nuk mund të them. Ka shumë që kanë kontribuar, por kjo është një çështje që
duhet të marrë zgjidhje nga drejtuesit.
- Merkato e janarit
po afron. Mesfusha nuk ka bindur shumë. A do të ishte i gatshëm Ramadani të
rikthehej edhe njëherë në kryeqytet?
Momentalisht po mendoj vetëm të stërvitem intensivisht. Karriera ime është
të vijoj të luaj në Europë.
- Në dijeninë time,
ka disa oferta nga klube europiane për shërbimet tuaja. A do të largoheni nga
Velje?
Po, ka disa oferta. Siç e ceka dhe më lart, dëshira ime është të shkoj të
luaj në një skuadër më të fortë. Po shoh vetëm të ngrihem.
- Cilin ekip zgjedh
si kampion të këtij sezoni në Shqipëri?
Partizani do të jetë ekipi kampion i këtij sezoni.
- Jo cilin do, po
cila skuadër mendon se ka potencialin e duhur për të "mbërthyer" titullin
kampion?
(Qesh) Mendoj se Partizani është i plotësuar në gjitha aspektet. /Retin
TOKA/
Lexo gjithashtu
