Skuadra e Bylisit ishte një konkurente e denjë për Tiranën në Grupin B, të Kategorisë së Parë, teksa luftuan deri në fund me bardheblutë për titullin kampion.
Por, kryeqytetasit fituan në fund, madje arritën dhe të shkëputeshin nga ballshiotët, të cilët u ngelet të përgatiten për sezonin e ardhshëm. Klubi ka marrë masa deri tani për vitin që vjen, madje nëpërmjet një statusi në Facebook, ka njoftuar se do të bëhen afrime të mëdha.
"Kampionati ka përfunduar, por jo për ne! Ne po punojmë për Bylisin e sezonit 2018/19!
Merkato ka nisur, janë piketuar lojtarë në disa reparte për të bërë përforcimet e duhura për sezonin e ardhshëm. Emrat do të zbulohen në momentin që do të arrijmë akordin dhe do të firmosen kontratat!
Diçka me madhe po vjen!", ka shkruar klubi në Facebook.
Lexo gjithashtu
