Ndërkohë që njihet për funksionet e tij të larta në botën e politikës, Eurokomisioneri Knut Fleckenstein bën edhe parashikuesin. Ai në një status në faqen e tij në “facebook” ka shkruar se Shqipëria do e fitojë këtë takim. “Nesër unë jam i sigurt se ekipi shqiptar i Federatës Shqiptare të Futbollit do të fitojë mbi ekipin zviceran me rezultatin 2:0. Dhe kjo është për shkak se kjo skuadër ka një ekip që luan me shpirt dhe një vullnet të jashtëzakonshëm për të fituar!”, shkruan Eurokomisioneri Fleckenstein në faqen e tij zyrtare në “facebook” duke i bashkangjitur postimit edhe një foto të ekipit tonë kombëtar.
Ky status në “facebook” është postuar 20 orë përpara nisjes së kësaj ndeshjeje, kur edhe emocionet po shkojnë në pikën maksimale. Takimi do të luhet në ora 15:00 nesër në stadiumin e qytetit të Lens. Ndërkohë që Fleckenstein është mbështetës i Kombëtares së Gjermanisë.
Lexo gjithashtu
