Ishte përfolur prej kohësh, por tashmë ka ardhur momenti që Dean Lico të transferohet te klubi i Leganes në Spanjë. Burime të besueshme pranë talentit korçar bëjnë me dije për newsport.al që sot, 19-vjeçari ka marrë vizën për dy vite në Spanjë. Brenda dy ditësh ai do të lërë Shqipërinë për të kaluar në kampionatin spanjoll.
Të njëjtat burime tregojnë për newsport.al që për këtë transferim të Licos, klubi i Skënderbeut do të mbushë arkat e klubit me plot 270 mijë euro. Për klubin spanjoll është hera e parë që arrin një marrëveshje të tillë për futbollistë të skuadrave U-19.
Një fakt tjetër i rëndësishëm që vlen të përmendet është se paraqitja e mrekullueshme me Kombëtaren U-19 i bindi më shumë spanjollët që në gjirin e tyre të merrnin talentin korçar. Tashmë politikat e Skënderbeut dihen, që është i vetmi klub në Shqipëri që po punon intensivisht për shitjen e talentëve jashtë vendit tonë.
Kujtojmë që korçarët arritën për herë të parë të shisnin një lojtar për shifrën e 1 milionë eurove, si Peter Olayinka. Edhe pse UEFA ka sjell një vendim për t'i përjashtuar për 10 vitet e ardhshme, brenda klubit ka frymë optimizmi teksa besojnë në drejtësinë e CAS-it. /Newsport.al/
[gallery columns="1" size="full" ids="223252"]
Lexo gjithashtu
