Egnatia e filloi me dy humbje kampionatin duke shqetësuar disi ambientin rrogozhinaz pavarësisht se humbjet erdhën nga ekipe si Partizani dhe Tirana që pretendimet i kanë maksimale. Shqetësimet u shuan plotësisht teksa 3 ndeshjet e rradhës, jeshilët arritën të merrnin plot 7 pikë në 3 ndeshje. Fitorja në Laç 0-1 dhe ajo me Vllazninë 3-0 ngritën në qiell moralin e ekipit.
Tani rradhën e ka Kupa dhe rrogozhinasit nuk nënvlerësojnë asgjë. Egnatia do të përqëndrohet të japë maksimumin si në Kupë ashtu edhe në kampionat dhe trajneri Tetova shton dozat e intensitetit te djemtë e tij. Në 26 shtator, Egnatia udhëton në Peqin u gjen Shkumbinin për Kupën e Shqipërisë. Drejtuesit presin kualifikimin pas investimeve gjatë verës të cilët i mundësuan trajnerit një ekip të dubluar tërësisht.
Lexo gjithashtu
