Edon Hasani zyrtarisht është lojtari i Sepahanit në Iran. Ai është rikthyer ditën e djeshme në Shkodër ku është takuar me drejtuesit e klubi të Vllazinsë për të zgjidhur çështjen e kalimit të tij te klubi i ri.
Largimi i mesfushorit në mënyrë të papritur ka bërë që drejtuesit e klubit shkodran të mërziten dhe të marrin masa ndaj futbollistit. Marrëveshja për të lënë të lirë Hasanin është arritur, por lojtari do të pagujë një gjobë prej 3 mijë eurosh për largimin pa miratim nga klubi. Por nuk mjafton me kaq.
Hasani për hir të arritjes së marrëveshjes ka sakrifikuar 3 rroga, që shkojnë në total 12 mijë euro, pasi rroga mujore e mesfushorit në Shkodër ishte 4 mijë euro. Në këto kushte Hasani ka falur 12 mijë euro, ka paguar 3 mijë euro gjobë dhe ka bërë të mundur marrjen e lejes nga klubi i Vllaznisë për të kaluar te klubi iranian.
Lexo gjithashtu
