Partizani prej kohësh është vënë në lëvizje për të përforcuar disa nga repartet që kanë shfaqur problem në gjysmën e parë të sezonit. Edhe pse në verë u afruan shumë lojtarë deri më tani i konfirmuar është Progni, një pjesë është larguar ndërsa disa të tjerë pritet të bëjnë gati valixhet ditët në vijim.
Lidhur me keëtë gjë po mendojnë drejtuesit e klubi. Së fundmi, mësohet se Partizani është hedhur në sulm për të afruar dy lojtarë që e njohin mirë kampionatin shqiptar. I pari është ish-lojtari i Teutës, Nijas Lena, i cili vetëm dje ka mbyllur marrëdhënien me klubin durrsak dhe është lojtar i lirë. Në këto kushte, do të ishte një mundësi e mirë për "Demat e Kuq".
Emri i dytë është ai i ish-futbollistit të Bylisit, Emanuel Mbella, kamerunasi i cili këtë vit u transferua në Maqedoni te Shkupi, po edhe ky i fundit dje ka prishur dje marrëveshjen me klubin duke dalë si lojtar i lirë.
Nuk dihet nëse është rastësi fakti që të dy lojtarët kanë prishur dje marrëveshjet me klubet përkatëse, apo ka qenë diçka e mënduar më parë dhe se ekziston mundësia që të jëtë arritur një marrëveshje paraprake mes palëve dhe tani pritet vetëm zyrtarizimi, gjithçka pritet të mësohet ditët në vijim.
Lexo gjithashtu
