Elbasani dhe Vora ditën e nesërme do të përballen në kuadër të javës së dytë të KAtegorisë së Parë. Kjo sfidë do t luhet në “Elbasan Arena” duke nisur që nga ora 18:30. Një duel mjaft interesant mes dy ekipeve debutuese të këtij sezoni në Kategorinë e Parë. Skuadra e Artan Mërgjyshit e ka nisur me fitore këtë sezon, ndërsa nga ana tjetër elbasanasit nuk shkuan më shumë se barazimi 1-1. Në lidhje me këtë transfertë skuadra e Vorës ka bërë një postim në rrjetet sociale. Drejtuesit kanë vendosur autobusë falas për të gjithë tifozët që duan të ndjekin këtë sfidë. “Vetëm një ditë na ndan nga sfida më e rëndësishme e javës. Ju bëjmë me dije se drejtuesit kanë vënë në dispozicion autobus, i cili niset drejt Elbasanit ditën e enjte në orën 16:00 tek Karburant Kastrati në Vorë. Mbështetja jonë më e madhe jeni ju, ndaj ju ftojmë të mbështesni ekipin”, ka shkruar klubi i Vorës.

 

View this post on Instagram

 

A post shared by FK VORA (@fk_vora)