Armando Broja në “radarin” e Sportingut të Lisbonës. Pavarësisht se sulmuesi shqiptar po qëndron prej disa muajsh jashtë fushës së blertë prej dëmtimit të rëndë, ai ka nxitur interesin e portugezëve. Siç raporton “Bola Ne Rede”, Sporting dëshiron lojtarin e kombëtares shqiptare.
Presidenti Federico Varandas ka udhëtuar drejt Londrës, ku ka pasur edhe një takim me drejtuesit e Chelsea-it. Raportohet se është diskutuar pikërisht për shtatlartin e fazës ofensive. Pritet të shihet se çdo të ndodhë, ndërsa vetë futbollisti ka deklaruar më parë se do të japë kontributin e vet në “Stamford Bridge”.
Megjithatë drejtuesit mund të rikthejnë Lukakun e huazuar te Inter, ndërsa shqiptarin ta transferojnë në Portugali për të gjetur formën e munguar. Kujtojmë që Broja iu nënshtrua një ndërhyrje kirurgjikale pas dëmtimit në gju në fazën përgatitore në Amerikë.
Lexo gjithashtu
