Pas emocioneve që u përjetuan në sfidën mes Vllaznisë dhe Egnatias, e cila përfundoi në favor të rrogozhinasve 1-2, sot në mbrëmje pritet një tjetër duel “i zjarrtë” mes Elbasanit dhe Dinamos. Sfida do të luhet në stadiumin “Air Albania”, duke filluar që prej orës 19:00.
Sa i takon përballjeve direkte përgjatë këtij sezoni, mes tyre janë regjistruar një barazim 1-1, një fitore bindëse 4-1 e Dinamo City në “Air Albania”, si dhe dy fitore të Elbasanit në “Elbasan Arena”, me rezultatet 2-0 dhe 1-0.
Përballjet direkte Elbasani – Dinamo City 2025/26
AF Elbasani 1-0 Dinamo City
Dinamo City 1-1 AF Elbasani
AF Elbasani 2-0 Dinamo City
Dinamo City 4-1 Elbasani
Spektakli është i garantuar edhe në këtë “përplasje” të 5-të të tyren. Elbasani do tentojë t’i afrohet Egnatias pasi këta të fundit mposhtën shkodranët, teksa kryeqytetasit e udhëhequr nga trajneri Ilir Daja nuk kanë më asnjë shpresë pasi matematika i nxorri përfundimisht nga gara për titullin dhe ajo çfarë pritet në fushën e lojës prej tyre është thjesht një mbyllje me dinjitet e këtij sezoni, pasi më herët siguruan kualifikueset në kupat e Europës.
Lexo gjithashtu
