UEFA akordoi për skuadrat e kampionatit shqiptar të futbollit një fond prej 500 mijë €. Nga ky fond përfitojnë skuadrat që vjet ishin pjesë e Kategorisë Superiore. Në këtë mënyrë, Tirana dhe Kastrioti nuk marrin nga ky fond pasi sezonin e kaluar militonin në Kategorinë e Parë. Edhe Skënderbeu, për shkak se është i penalizuar nga dënimi prej 10 vitesh në aktivitetet e futbollit europian. Vllaznia dhe Lushnja përfitojnë gjithashtu pjesë nga i ashtëquajturi "Fond i Solidaritetit".
Këto para shkojnë për klubet për të ndihmuar në investimin e akademive të futbollit të këtyre ekipeve.
Qeveria e futbollit europian ndan çdo vit fond për ligat e futbollit të kontinentit të vjetër si pjesë e promovimit të të drejtave televizive të transmetimit të Champions League-ës. Kjo është një ndihmë e madhe që UEFA jep për futbollin shqiptar.
Lexo gjithashtu
