Marko Pjaca, një nga talentet më të mëdha të futbollit kroat, u shit para disa ditësh nga Dinamo e Zagrebit te Juventus për shumën e 23 milion eurove. Klubi kroat tashmë është vënë në kërkim të një futbollisti për të zëvendësuar Pjacën.
Në radarë e gjigandit kroat ka rënë futbollisti shqiptar që luan për Lokomotivën e Zagrebit, Eros Grezda. Flitet se Dinamo është gati të paguajë rreth 1 milion euro për shërbimet e Grezdës dhe duke parë marrëdhëniet e mira mes klubeve, realizimi i një transferimi të tillë është mëse i mundshëm.
Grezda ka zhvilluar një sezon mjaft pozitiv vitin e kaluar me Lokomotivën dhe ka fituar edhe ftesë për t'u bërë pjesë e kombëtares shqiptare U-21.
Poll
Lexo gjithashtu
