Para disa ditësh në media u bë me dije që William Cordiero Melo do të largohet nga Partizani. Një nga lojtarët që ka bërë më mirë në këtë sezon për të kuqtë, mund të linte kryeqytetasit pas përfundimit të këtij sezoni. Por, në fakt e vërteta është ndryshe pasi klubi i Partizanit njoftoi që lojtarit i është aktivizuar automatikisht rinovimi i kontratës e kësisoj do të kontribuojë dhe në edicionin pasardhës.
Për këtë duket se ka folur edhe vetë lojtari që përmes një fotoje në rrjetet sociale nuk "harron" të thumbojë Tiranën. Në derbi, ishte ai futbollisti që shënoi kundër bardhebluve. E pikërisht momentin e festës e ka shpërndarë në rrjetet sociale duke shkruar: "Qëndro i qetë. Jam këtu", përfundon duke qeshur dhe duke treguar se atë gol ia ka dedikuar njërit prej zyrtarëve të kuq, pikërisht këshilltarit të Olsi Ramës, Gjergji Xharos.
Lexo gjithashtu
